qoSchaj vaghDIch lulopmeH, qawmoHmeH vagh nagh beQ Qolta’ EvoSwitch bov chu’ De’wI’ghom waw’
tera’ muD QIHbe’bogh waw”e’ beq Qu’ motlh ‘agh naghmey beQ.
De’wI’ghom waw’ ‘Itlh ‘oH EvoSwitch’e’. tera’ muDDaq nIn meQ SIp Qob’e’ lughurmoH De’wI’ghommey motlh, ‘ach lughurmoHbe’ EvoSwitch.
tera’ Qanbogh beq’e’ ‘agh mIlloghmey’e’ ‘aghta’bogh.
yIqIm: DIvI’ Hol DamaSchugh, ghItlh mughlu’ta’bogh tu’lu’.
HoD QonoS chovnatlh: Eric Boonstra (DevwI”a’)
vagh ben lengmajvam wItaghta’. Qu’maj: taHlaHmeH ‘ej muD QIHbe’meH neDerlan De’wI’ghom waw”e’ maH nIv law’ Hoch nIv puS. nom SachtaH De’wI’ghom waw’vam, ‘ej SachtaHghach vIqelDI’, ngoQmey potlh vIghovchu’. tIghvam wIpabnIS:
HoS lo’laHchu’meH mIwmey chu’ DI’oghtaH
jIjtaH DIvI’ SuDqu’** (DIvI’ Hol: ”Green Grid”), beqmaj je. DIvI’vam lumuvta’ wa’vatlh SochmaH vagh malja’mey. HoS lulo’laHchu’meH De’wI’ghom waw’mey vumtaH. vaj cham, ghojmoHmeH Dochmey je ‘oghtaH.
jIjtaH je muD choQmeH cham SuDqu’ ghom (DH: ”Climate Neutral Group and GreenIT”), beqmaj je. muD choqbogh cham’e’ ‘oghtaHmeH ‘ej DubtaHmeH Sepmey law’Daq jInmolmey ta’wI’pu’ QaH yej’anvam.
Huch buSbe’bogh ‘ej je’wI’pu’ ‘oSbogh yo’ nIvqu”e’ ‘oH ‘oH EMEA De’wI’ghom tIq’e’ (DH: “EMEA Datacenter Pulse”). QeDpInma’, De’wI’ghom loHwI’ma’ je ghaH Jan Wiersma’e’. yo’vam qummeH yej, quprIp, DevwI’ ghom je muvta’ batlh ‘e’ wIvlu’ta’.
HoS lo’laHchu’chugh malja”e’, Huch lo’laHchu’ je; ‘e’ wI’aghmeH mIwmey chu’ DISamlI’
HoS lo’laHchu’ghach nuq? maHvaD ghellu’DI’, majang, majatlh, lo’laHghach pup ‘oHba’! QapmeH lo’laHghach pup, Huch lo’laHghach pup… pup Hoch lo’laHghach! nIvqu’chugh lo’laHghachmaj, nIvqu’ qav’apmeymaj.
je’wI’pu’ma’ DItoy’taH ‘e’ wI’Ipta’, ‘ej lo’laH SuDqu’choHghach ‘e’ luSov ‘ej chavmeymajmo’ chabmey chu’ DIbuStaH. vaj maSachtaH ‘ej cham HeH wISachmoHtaH
qaDmaj chu’qu’, chavmaj veb je ‘oH TNO Flexiquest jInmol’e’. malja’meyvaD lo’laH HoS chenqa’taHbogh QaymeH ‘ul pat’a’ ‘e’ wItobmeH jInmolvam wIta’lI’ – De’wI’ghom waw’mey’e’ luqellu’DI’, jInmolvam ta’lu’meH vumlI’ EvoSwitch neH.
Daqmey tu’pu’bogh pagh De’wI’ghom waw’ wIghoSlI’ ‘ej mayoHtaH
tera’ DIS cha’SaD chorgh EvoSwitch-vaD «HoS lo’laHchu’ghach ‘oSwI’» pongta’ puH, bIQ, muD je QorghmeH DoyIchlan yej’a’ (DoyIchlan Hol: das Bundesministerium für Umwelt, Naturschutz und Reaktorsicherheit) ‘ej vIlle’ SuDqu’ jInmolmajmo’ (DIvI’ Hol: “The Green Fan”) maDub’eghtaH. nIn meQ SIp Qob ‘Iq luchenmoHbe’meH je’wI’pu’ma’ QaH jInmolvam. ngoQ’a’maj numtaHmeH De’wI’ghom SuDqu’ lo’taHchugh malja”e’, jInmolvam Degh cha’laH. batlh tera’ QorghtaH ‘e’ ‘oS.
poS nagh beQ
yaHDajDaq jolmeH QeDpInma’ (Jan Wiersma), porgh ngu’laHbogh EvoSwitch naw’ pat’e’ lo’lI’. vaQqu’mo’ naw’ ngochmaj, ngaQchu’taH De’wI’ghom naQ. vaj Hoch Qob wIbottaH, ‘ej mIqta’ ‘ut wIchu’Ha’nIS ‘e’ wIbot.
nIn nov tu’ta’bogh teqlI’ EvoSwitch yavam
Dung nagh beQ
chob bIrDaq nIn nov tu’ta’ EvoSwitch yavam ‘ej Qaw’meH ‘oHDaq HoS tIH SuDqu’ bachlI’. EvoSwitch tIgh SuDqu’mo’, muDDaq nIn meQ SIp Qob vI’moHbe’meH waw’ reH vumtaH beq naQ. nIv HoS lulo’Ha’be’bogh mIwmeymaj’e’ ‘e’ toblu’, vaj nuvoqlaHqu’ je’wI’pu’ma’. Dun EvoSwitch De’wI’ghom waw’ ‘e’ lumaqta’ tera’ Sepmey law’ nongwI’pu’, batlh tera’chaj QorghbejtaHmo’ waw’vam beq.
poS nagh beQ
Duj HoS lo’chu’taHghach patlh noHmeH, Hoqra’ lo’lI’ Jan. wa’ vI’ cha’ ‘oH ‘aqroSmaj’e’ ‘ej wIwempu’be’ ‘e’ tu’ta’ Jan.
cha’ vI’ pagh ‘oH waw’ motlh ‘aqroS’e’ ‘ach patlhvam wInupmoHmeH mIwmey chu’ DI’oghta’. vaj nup je Huch lunobnISbogh je’wI’pu”e’. maDub’eghta’ ‘ach rIntaHbe’; HoS lo’chu’taHghach patlhmaj nupqa’moHtaHmeH reH patmeymaj DubtaH beqmaj.
machtaH HoS lo’chu’taHghach patlhmaj ‘e’ tu’ta’mo’ Jan beltaH
DaH ‘uy’mey tera’ngan yIn SIghtaH EvoSwitch. malja’mey tlhab, qum ghommey, latlhmey Sar je toy’taH ‘ej yuQmaj QIHbe’taHmo’ maHemtaH. AMS-IX wItoy’taH je, vaj yu’ropDaq ‘Internet QaywI”a”e’ maH potlh law’ Hoch potlh puS, vaj SLA QaytaHghach nIv, latlh Qum cham ‘Itlh je lutIvlaH je’wI’pu’ma’.
wa’leS (tera’ jar Soch, jaj wa’maH wa’) vagh DISmey Dun lopmeH ‘ej ‘opleS chavmey vanmeH, bIQ HeHDaq (Republiek Bloemendaal Zeeweg, Bloemendaal) lupDujHom lIghlI’ EvoSwitch beq.
PR Archives: Latest, By Company, By Date